താമരശ്ശേരി: ലഹരിമുക്ത അവധിക്കാലം കാമ്പയിനിൻെറ ഭാഗമായി താമരശ്ശേരിയില് എക്സൈസ് ഉദ്യോഗസ്ഥർ നടത്തിയ പരിശോധനയ ില് ലഹരിഗുളികകളും കഞ്ചാവുമായി പിടിയിലായ മൂന്നു പേരില് ഒരാള് റിമാൻഡില്. കിഴക്കുംമുറി മാടത്തിൽ മീത്തല് സഞ്ജയിനെയാണ് (19) താമരശ്ശേരി കോടതി റിമാൻഡ് ചെയ്തത്. കുരുവട്ടൂര് ആലൊടിയില് അന്ഫാസില് (19), കിനാലൂര് പൂവമ്പായി നീളപറമ്പില് മിര്ദാസ് (21) എന്നിവരാണ് മറ്റു രണ്ടു പേര്. കോടതിയില് ഹാജരാക്കിയ ഇവരെ ജാമ്യത്തില് വിട്ടു. താമരശ്ശേരിയില് വില്പനക്കെത്തിച്ച ആറ് നൈട്രോെസപാം ഗുളികകളുമായാണ് അന്ഫാസിലിനെ അറസ്റ്റ് ചെയ്തത്. സഞ്ജയില്നിന്ന് 100 ഗ്രാം കഞ്ചാവും മിര്ദാസില്നിന്ന് 50 ഗ്രാം കഞ്ചാവും പിടിച്ചെടുത്തു. കഞ്ചാവ് കടത്തിയ കെ.എല് 11 ബി.സി 6389 സ്കൂട്ടറും കസ്റ്റഡിയിലെടുത്തു. താമരശ്ശേരി എക്സൈസ് റേഞ്ച് ഇന്സ്പെക്ടര് പി.പി. വേണു, പ്രിവൻറിവ് ഓഫിസര്മാരായ ചന്ദ്രന് കുഴിച്ചാലില്, സി.ജി. സുരേഷ് ബാബു, സിവില് എക്സൈസ് ഓഫിസര്മാരായ മുഹമ്മദ് ഇര്ഷാദ്, കെ.ജി. ജിനീഷ്, വി.ആര്. അശ്വന്ത്, ടി. വി. നൗഷീര്, പി. ശ്രീരാജ്, എന്.പി. വിവേക്, ഡ്രൈവര് കൃഷ്ണന് എന്നിവരടങ്ങിയ സംഘമാണ് വിവിധ പ്രദേശങ്ങളില് പരിശോധന നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.