ഈങ്ങാപ്പുഴ: പുതുപ്പാടി ഗ്രാമപഞ്ചായത്ത് പ്രസിഡൻറായി സി.പി.എമ്മിലെ പി.ആർ. രാകേഷിനെ തെരഞ്ഞെടുത്തു. കോൺഗ്രസിലെ അംബിക മംഗലത്തിനെ ഒമ്പതിെനതിരെ 12 വോട്ടുകൾ നേടിയാണ് പരാജയപ്പെടുത്തിയത്. നിലവിലുള്ള ഭരണസമിതിയിൽ എൽ.ഡി.എഫിനാണ് ഭൂരിപക്ഷമെങ്കിലും പട്ടികവിഭാഗത്തിന് സംവരണം ചെയ്ത പ്രസിഡൻറ് പദത്തിന് യോഗ്യരായവർ തെരഞ്ഞെടുക്കപ്പെട്ടിരുന്നില്ല. അതിനാൽ യു.ഡി.എഫിലെ അംബിക മംഗലത്ത്, കെ.കെ. നന്ദകുമാർ എന്നിവരാണ് മാറി മാറി പ്രസിഡൻറ് സ്ഥാനം വഹിച്ചത്. ഇത് പലപ്പോഴും ഭരണപ്രതിസന്ധി സൃഷ്ടിച്ചിരുന്നു. ഇതിനു പരിഹാരമെന്ന നിലക്ക് ജനറൽ സീറ്റിൽ ജയിച്ച സി.പി.എമ്മിലെ പി.കെ. ഷൈജലിനെ രാജിവെപ്പിച്ച് വെസ്റ്റ് കൈതപ്പൊയിൽ വാർഡിൽ ഉപതെരഞ്ഞെടുപ്പ് നടത്തിയാണ് പി.ആർ. രാകേഷിനെ ഭരണസമിതിയിലെത്തിച്ച് പ്രസിഡൻറാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.