ബാലുശ്ശേരി: ബാലുശ്ശേരി ബസ്സ്റ്റാൻഡിലേക്ക് ഈ മാസം അവസാനത്തോടെ ബസുകൾ പ്രവേശിക്കും. നവീകരണ പ്രവൃത്തിക്കുവേണ്ട ി കഴിഞ്ഞ എട്ടുമാസത്തോളമായി അടച്ചിട്ടിരുന്ന ബാലുശ്ശേരി ബസ്സ്റ്റാൻഡിലേക്ക് മാർച്ച് 31 മുതൽ ബസുകളെ പ്രവേശിപ്പിക്കാൻ പുരുഷൻ കടലുണ്ടി എം.എൽ.എയുടെ സാന്നിധ്യത്തിൽ ഗ്രാമപഞ്ചായത്ത് പ്രസിഡൻറ്, വ്യാപാരി സംഘടന പ്രതിനിധികൾ, മണ്ഡലം വികസന കമ്മിറ്റി ചെയർമാൻ എന്നിവരുമായി നടത്തിയ ചർച്ചയിൽ തീരുമാനമായി. കഴിഞ്ഞ വർഷം ജൂലൈ മാസം മുതലാണ് ബസ്സ്റ്റാൻഡ് നവീകരണ പ്രവൃത്തികൾക്ക് തുടക്കംകുറിച്ചത്. പുരുഷൻ കടലുണ്ടി എം.എൽ.എയുടെ പ്രാദേശിക വികസന ഫണ്ടിൽ നിന്നുള്ള മൂന്നു കോടി രൂപ ചെലവിട്ടാണ് നവീകരണ പ്രവൃത്തി നടത്തുന്നത്. പ്രസിഡൻറ് രൂപലേഖ കൊമ്പിലാട്, മണ്ഡലം വികസന കമ്മിറ്റി ചെയർമാൻ വി.എം. കുട്ടികൃഷ്ണൻ, വ്യാപാരി സംഘടന പ്രതിനിധികളായ പി.ആർ. രഘൂത്തമൻ, ടി.കെ. പ്രദിപൻ, കെ.കെ. ബാലകൃഷ്ണൻ, പി.കെ. ഷാജി, മണിയറ കോയ ഹാജി, ദയാനന്ദൻ, പി. മോഹൻ എന്നിവരും ഊരാളുങ്കൽ ലേബർ കോൺട്രാക്ട് സൊസൈറ്റി ഭാരവാഹികളും ചർച്ചയിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.