* മഴ മൂലമാണ് റോഡുപണി അവസാനിപ്പിച്ചത് തിരുവമ്പാടി: കൂടരഞ്ഞി - കൂമ്പാറ റോഡിൽ ദുരിത യാത്ര. പാടെ തകർന്ന റോഡിലെ കുഴികൾ അടക്കാൻ പൊതുമരാമത്ത് വകുപ്പ് പ്രവൃത്തി തുടങ്ങിയെങ്കിലും മഴ ശക്തമായതോടെ പ്രവൃത്തി നിർത്തിയിരിക്കയാണ്. കുഴികളിൽ മെറ്റൽ നിരത്തിയ അവസ്ഥയിലാണിപ്പോൾ റോഡ്. കല്ലുകൾ തെറിച്ച് യാത്ര ചെയ്യാൻ കഴിയാത്ത സാഹചര്യമാണെന്ന് യാത്രക്കാർ പറഞ്ഞു. റോഡ് പ്രവൃത്തിക്ക് 75 ലക്ഷം അനുവദിച്ചിരുന്നു. തുക അനുവദിച്ചതിന് എം.എൽ.എക്ക് അഭിവാദ്യമർപ്പിച്ച് കൂമ്പാറയിൽ മൂന്ന് മാസം മുേമ്പ ഫ്ലക്സ് ബോർഡ് ഉയർന്നിരുന്നു. എന്നാൽ, റോഡ് പ്രവൃത്തി തുടങ്ങാൻ മേയ് അവസാനം വരെ കാത്തിരുന്നതാണ് പണി പാതിവഴിയിൽ അവസാനിപ്പിക്കാൻ കാരണമായത്. ഇനി മഴക്കാലം കഴിഞ്ഞേ റോഡ് പ്രവൃത്തി പുനരാരംഭിക്കൂവെന്നാണ് പൊതുമരാമത്ത് വകുപ്പ് അധികൃതർ പറയുന്നത്. അടുത്ത ആറുമാസം കൂടരഞ്ഞി - കൂമ്പാറ റോഡിലെ യാത്ര കൂടുതൽ ദുരിതമയമാകുമെന്നുറപ്പ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.