കൊടുവള്ളി: ശക്തമായ കാറ്റിൽ തെങ്ങുകൾ വീണ് വീട് ഭാഗികമായി തകർന്നു. കിഴക്കോത്ത് മറിവിട്ടിൽതാഴം കൂയ്യടിയിൽ ശ്രീധരൻ നായരുടെ വീടിന് മുകളിലേക്കാണ് ഞായറാഴ്ച രാത്രിയിലുണ്ടായ ശക്തമായ കാറ്റിൽ സമീപത്തെ രണ്ട് തെങ്ങുകൾ വീണത്. വീടിെൻറ മേൽക്കൂര ഉൾപ്പെടെയുള്ളവ തകർന്നു. അപകടം നടക്കുമ്പോൾ ശ്രീധരൻ നായരും കുടുംബവും വീട്ടിലില്ലാത്തതിനാൽ വലിയ ദുരന്തം ഒഴിവായി. കിഴക്കോത്ത് വില്ലേജ് ഓഫിസർക്ക് പരാതി നൽകി. കായിക മത്സരം കൊടുവള്ളി: മണ്ഡലം മുസ്ലിം യൂത്ത് ലീഗ് സംഘടിപ്പിച്ച കായികം -2018 മുസ്ലിം ലീഗ് ജില്ല ജന. സെക്രട്ടറി എം.എ. റസാഖ് ഉദ്ഘാടനം ചെയ്തു. കോഓഡിനേറ്റർ നൗഷാദ് പന്നൂര് അധ്യക്ഷത വഹിച്ചു. എം.എ. ഗഫൂർ, ടി. മൊയ്തീൻകോയ, റഫീഖ് കൂടത്തായി, കെ.കെ. ജബ്ബാർ, സി.കെ. റസാഖ് , മിഹ്ജഹ് നരിക്കുനി, പി. അനീസ്, ഷമീർ മോയത്ത്, അനീസ് മടവൂർ, ഷംസീർ എടവലത്ത്, മുജീബ് ആവിലോറ, ജാഫർ കിഴക്കോത്ത് എന്നിവർ സംസാരിച്ചു. മേയ് മൂന്നിന് ഷട്ടിൽ മത്സരം കോളിക്കലിലും അഞ്ചിന് ഫുട്ബാൾ കൊടുവള്ളിയിലും ആറിന് വോളിബാൾ ഓമശ്ശേരിയിലും നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.