റോഡിലെ വെള്ളക്കെട്ട്; പരിഹാരം കാണാനാകാതെ അധികൃതർ ഫറോക്ക്: മഴ പെയ്താലുണ്ടാകുന്ന റോഡിലെ വെള്ളക്കെട്ട് നാട്ടുകാർക്ക് ദുരിതമാകുന്നു. ഫറോക്ക് താലൂക്ക് ആശുപത്രിയിലേക്കും ചന്ത ജി.എം.യു.പി സ്കൂളിലേക്കും എത്തുന്ന ഏക റോഡാണ് വെള്ളക്കെട്ടിനാൽ നാട്ടുകാർക്ക് ദുരിതമാകുന്നത്. വിവിധ ഭാഗങ്ങളിൽനിന്ന് ഒഴുകിയെത്തുന്ന വെള്ളം മറ്റു മാർഗങ്ങളില്ലാതെ റോഡിൽ കെട്ടിക്കിടക്കുകയാണ്. ആശുപത്രിയിലേക്ക് എത്തുന്ന നൂറുകണക്കിന് രോഗികൾ ഈ വെള്ളത്തിലൂടെ നടന്നുവേണം ആശുപത്രിയിലെത്താൻ. സ്കൂൾ തുറന്നാൽ പിഞ്ചുകുഞ്ഞുങ്ങളടക്കം വിദ്യാർഥികൾ ഈ മാലിന്യവെള്ളത്തിലൂടെ സഞ്ചരിച്ചുവേണം സ്കൂളിലെത്താൻ. നിരവധി തവണ നാട്ടുകാർ ബന്ധപ്പെട്ടവർക്ക് പരാതി നൽകിയിരുന്നെങ്കിലും പരിഹാരമുണ്ടായിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.