പാറക്കുളത്തിൽ മാലിന്യം നിറഞ്ഞു. സമീപത്തെ ഓഫിസിനും ജനങ്ങൾക്കും ദുരിതം അത്തോളി: പ്ലാസ്റ്റിക് മാലിന്യവും അറവുമാലിന്യങ്ങളും വലിച്ചെറിയുന്നതു കാരണം അത്തോളിയിലെ പാറക്കുളത്തിൽ മാലിന്യം നിറയുന്നു. മഴക്കാലമായതോടെ കൊതുകുശല്യം കൂടുകയും ദുർഗന്ധം രൂക്ഷമാകുകയും ചെയ്തു. ബി.എസ്.എൻ.എൽ ഓഫിസിെൻറ ചുറ്റുമതിൽ കുളത്തിെൻറ ഭാഗത്ത് പൊളിഞ്ഞിരിക്കുന്നതിനാൽ തെരുവുനായ്ക്കളും ഓഫിസ് കോമ്പൗണ്ടിലെത്തുന്നു. മാലിന്യം തള്ളാനുള്ള സ്ഥലമായി പലരും ഈ കുളത്തെ ദുരുപയോഗം ചെയ്യുകയാണെന്ന് നാട്ടുകാർ പറയുന്നു. കുളം ശുചീകരിക്കണമെന്നാവശ്യപ്പെട്ട് ബി.എസ്.എൻ.എൽ ഓഫിസർ ഗ്രാമപഞ്ചായത്തിനും ഹെൽത്ത് ഇൻസ്പെക്ടർക്കും പരാതി നൽകിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.