കുറ്റിക്കാട്ടൂർ: ദിവസങ്ങളായി കുടുംബിനികളെ ഫോണിൽ ശല്യംചെയ്ത യുവാവിനെ നാട്ടുകാർ കൈകാര്യം ചെയ്ത് പൊലീസിൽ ഏൽപിച്ചു. കുറ്റിക്കാട്ടൂർ ചാലിയറക്കൽ താഴം വാടക കോട്ടേഴ്സിൽ താമസിക്കുന്ന ഭർതൃമതികളായ സ്ത്രീകളെയാണ് ശല്യം ചെയ്തത്. പുതിയറ സ്വദേശി ജിതേഷ് കുമാർ (47) മരുന്ന് കൈയിലുണ്ടെന്നു പറഞ്ഞ് ഇവരെ വശത്താക്കാൻ ശ്രമിക്കുകയായിരുന്നു. ഫോൺ വിളിയിലും മറ്റും ഇയാളുടെ വഴിവിട്ട ഇടപെടലിൽ സംശയം തോന്നിയ ബന്ധുക്കളും നാട്ടുകാരും ഇയാളെ പ്രലോഭിപ്പിച്ച് വെള്ളിപറമ്പിൽ എത്തിക്കുകയായിരുന്നു. പന്തിയല്ലെന്ന് കരുതി സ്ഥലം വിടാൻ ശ്രമിക്കുന്നതിനിടെ നാട്ടുകാർ കൈകാര്യം ചെയ്ത് മെഡിക്കൽ കോളജ് െപാലീസിൽ ഏൽപിക്കുകയായിരുന്നു. കേസെടുത്തതായി മെഡിക്കൽ കോളെജ് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.