മുക്കം: തൃക്കുടമണ്ണ ശിവക്ഷേത്രത്തിൽ ശിവരാത്രി മഹോത്സവത്തിന് കൊടിയേറി. അഗസ്ത്യമുഴി തിരുവഞ്ചുഴി ക്ഷേത്രത്തിൽനിന്നും ദീപാരാധനക്ക് ശേഷം ക്ഷേത്രത്തിലേക്ക് വരവാഘോഷം നടന്നു. താലപ്പൊലി, പഞ്ചവാദ്യം, ദേവതാണ്ഡവം, പുലിക്കളി, ഡിജിറ്റൽ തമ്പോല, വിളക്കാട്ടം എന്നിവ ആഘോഷത്തിന് നിറ പകിട്ടേകി. ക്ഷേത്രത്തിൽ സർപ്പബലിയും നടന്നു. തിങ്കളാഴ്ച പ്രശസ്ത സിനിമ താരങ്ങളും സാംസ്ക്കാരിക നായകരും പങ്കെടുക്കുന്ന സാംസ്കാരിക സമ്മേളനം നടക്കും. 13നാണ് ശിവരാത്രി മഹോത്സവം. വിവിധ ദേശങ്ങളിൽനിന്ന് ക്ഷേത്രത്തിലേക്ക് നിശ്ചലദൃശ്യങ്ങളോടുകൂടിയ വരവാഘോഷമുണ്ടാകും. ചാക്യാർകൂത്ത്, ഗാനമേള, നൃത്തനൃത്ത്യങ്ങൾ, നാടകം, തുടങ്ങി വിവിധ കലാപരിപാടികളും അരങ്ങേറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.