നന്തിബസാർ: ശക്തിയായ മഴയിൽ വീടുകളിൽ വെള്ളം കയറിയതിനെ തുടർന്ന് മൂടാടി പഞ്ചായത്തിലും, കൊയിലാണ്ടി നഗരസഭയിലെ വടക്കെ അതിർത്തിയിലുമായി നൂറിലേറെ കുടുംബങ്ങളെ ദുരിതാശ്വാസ ക്യാമ്പുകളിലേക്കു മാറ്റി. മൂടാടി പഞ്ചായത്തിലെ കോടിക്കലിൽ മാത്രം അമ്പതോളം കുടുംബങ്ങളെ കോടിക്കൽ എ.എം.യു.പി. സ്കൂളിലും, മൂടാടിയുടെ കിഴക്കൻ ഭാഗങ്ങളിൽനിന്നുള്ളവരെ ഗോപാലാപുരം ഗോഖലെ യു.പി.സ്കൂളിലും മാറ്റി പാർപ്പിച്ചു. കാനത്തിൽതാഴ, മരക്കാട്ടുതാഴ, ഓടിയിൽതാഴ, ഓടനിലത്തുകുനി എന്നീ പ്രദേശങ്ങളിലാണ് വെള്ളപ്പൊക്ക ഭീഷണിയുള്ളത്. വീടുകളിലുള്ള എല്ലാവരെയും സ്കൂളിലേക്ക് മാറ്റി. ഇതിൽപെട്ട നാൽപത്തൊമ്പതു കുടുംബങ്ങളെ മൂടാടി പി.എസ്.സി.യിലെ ഡോക്ടർ പരിശോധിച്ച് മരുന്നുകൾ നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.