ആവള പാണ്ടി മാതൃകയിൽ പേരാമ്പ്ര മണ്ഡലത്തിലെ മുഴുവൻ തരിശു പാടങ്ങളിലും കൃഷിയിറക്കുന്നു പേരാമ്പ്ര: ആവള പാണ്ടിയെ കതിരണിയിച്ച മാതൃകയിൽ നിയോജക മണ്ഡലത്തിലെ മുഴുവൻ തരിശു പാടങ്ങളിലും കൃഷിയിറക്കാൻ പദ്ധതി തയാറാക്കുന്നു. മണ്ഡലം വികസന മിഷെൻറ നേതൃത്വത്തിലാണ് പദ്ധതി നടപ്പാക്കുക. തൊഴിലുറപ്പ് തൊഴിലാളികളെ നെൽകൃഷിയിൽ സഹകരിപ്പിക്കുന്നുണ്ട്. മന്ത്രി ടി.പി. രാമകൃഷ്ണെൻറ നിർദേശാടിസ്ഥാനത്തിൽ പേരാമ്പ്ര പഞ്ചായത്ത് ഓഫിസിൽ ചേർന്ന ജനപ്രതിനിധികളുടെയും ഉദ്യോഗസ്ഥരുടെയും യോഗത്തിലാണ് തിരുമാനം. മണ്ഡലം വികസന മിഷൻ കൺവീനർ എം. കുഞ്ഞമ്മദ് പദ്ധതി വിശദീകരിച്ചു. പേരാമ്പ്ര ബ്ലോക്ക് പ്രസിഡൻറ് എ.സി. സതി അധ്യക്ഷത വഹിച്ചു. പന്തലായനി ബ്ലോക്ക് പ്രസിഡൻറ് കെ.എം. ശോഭ, ഗ്രാമപഞ്ചായത്ത് പ്രസിഡൻറുമാരായ കെ.എം. റീന, കെ.പി. അസ്സൻകുട്ടി, കെ.കെ. ആയിഷ, വൈസ് പ്രസിഡൻറുമാരായ എൻ.പി. പത്മനാഭൻ, കെ.പി. ഗംഗാധരൻ, നഫീസ കൊയിലോത്ത്, ശാരദ പട്ടേരികണ്ടി, പേരാമ്പ്ര, മേലടി ബി.ഡി.ഒമാർ, കൃഷി ഓഫിസർമാർ എന്നിവർ യോഗത്തിൽ പങ്കെടുത്തു. മന്ത്രിയുടെ അസി. പ്രൈവറ്റ് സെക്രട്ടറി സി. മുഹമ്മദ് സ്വാഗതവും പി.സി. സുരേന്ദ്രൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.