ഗെയിൽ പൈപ്പ് ലൈൻ: ജനവാസകേന്ദ്രങ്ങൾ ഒഴിവാക്കണം -ലീഗ് കോഴിക്കോട്: ഗെയിൽ പൈപ്പ് ലൈൻ സ്ഥാപിക്കുമ്പോൾ ജനവാസ കേന്ദ്രങ്ങൾ ഒഴിവാക്കണമെന്ന് മുസ്ലിം ലീഗ് ജില്ല പ്രവർത്തകസമിതി ആവശ്യപ്പെട്ടു. ധാരാളം വീടും പറമ്പും നൂറുകണക്കിന് കൃഷിഭൂമിയും ഫലവൃക്ഷങ്ങളും നശിപ്പിച്ചും ആവാസവ്യവസ്ഥ തകർത്തും ഗെയിൽ അധികൃതർ മുന്നേറുന്നത് തടയേണ്ട ഭരണകൂടം അവരുടെ പിണിയാളുകളായി മാറുന്ന കാഴ്ച അപലപനീയമാണ്. ഏകപക്ഷീയ നടപടികൾ സർക്കാറും ഗെയിൽ അധികൃതരും നിർത്തിവെക്കണമെന്നും ജില്ലകമ്മിറ്റി ആവശ്യപ്പെട്ടു. പ്രസിഡൻറ് ഉമർ പാണ്ടികശാല അധ്യക്ഷത വഹിച്ചു. ജന. സെക്രട്ടറി എൻ.സി. അബൂബക്കർ, പാറക്കൽ അബ്ദുല്ല എം.എൽ.എ, എം.എ. റസാഖ്, വി.എം. ഉമർ, പി. ശാദുലി, പി. അമ്മദ്, കെ.എ. ഖാദർ, സി.പി. ചെറിയ മുഹമ്മദ്, എം.എ. മജീദ് തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.