ജനജാഗ്രതായാത്ര 25ന് ജില്ലയിൽ കോഴിക്കോട്: കാസർകോടുനിന്ന് ആരംഭിച്ച എൽ.ഡി.എഫ് നേതൃത്വത്തിലുള്ള ജനജാഗ്രതായാത്ര ഒക്ടോബർ 25, 26 തീയതികളിൽ ജില്ലയിലെ വിവിധ കേന്ദ്രങ്ങളിൽ പര്യടനം നടത്തും. സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ നയിക്കുന്ന ജാഥക്ക് ജില്ലയിൽ വരവേൽപ് നൽകുന്നതിന് സി.പി.എം ജില്ല സെക്രേട്ടറിയറ്റ് തീരുമാനിച്ചു. ഒക്ടോബർ 25-ന് രാവിലെ ഒമ്പതിന് ജില്ല അതിർത്തിയായ അടിവാരത്ത് സ്വീകരിക്കും. രാവിലെ 10ന് മുക്കം, 11-ന് കൊടുവള്ളി, വൈകീട്ട് മൂന്നിന് ബാലുശ്ശേരി, നാലിന് പേരാമ്പ്ര, അഞ്ചിന് പുറമേരി തുടങ്ങിയ കേന്ദ്രങ്ങളിലെ സ്വീകരണം നൽകും. വൈകുന്നേരം ആറിന് വടകരയിൽ ബഹുജനറാലിയോടെ പരിപാടി സമാപിക്കും. ഒക്ടോബർ 26-ന് രാവിലെ 10 മണിക്ക് കൊയിലാണ്ടി, പകൽ മൂന്നിന് നന്മണ്ട, നാലിന് മടവൂർ എന്നിവിടങ്ങളിലെ സ്വീകരണത്തിനുശേഷം 5.30ന് മുതലക്കുളത്ത് സമാപിക്കും. സമാപനസമ്മേളനത്തിൽ കാൽ ലക്ഷം പേർ അണിനിരക്കുമെന്ന് സി.പി.എം സെക്രട്ടറി പി. മോഹനൻ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.