പതിമംഗലത്ത് സി.പി.എം-ലീഗ് സംഘർഷം, ആറു പേർക്ക് പരിക്ക് കുന്ദമംഗലം: പതിമംഗലത്ത് സി.പി.എം പ്രവർത്തകരും മുസ്ലിം ലീഗ് പ്രവർത്തകരും തമ്മിൽ സംഘർഷം. ഇരു വിഭാഗത്തിലുമായി ആറു പേർക്ക് പരിക്കേറ്റു. സംഘർഷത്തിൽ പരിക്കേറ്റ മുസ്ലിം ലീഗ് പ്രവർത്തകരായ പതിമംഗലം ഉണ്ടോടിയിൽ മുഹമ്മദ് അജ്നാൻ, കുഞ്ഞോൽ അജ്മൽ, ആമ്പ്രമ്മൽ ആഷിഖ് എന്നിവരെ മെഡിക്കൽ കോളജ് ആശുപത്രിയിലും സി.പി.എം പ്രവർത്തകരായ പതിമംഗലം ജിതിൻ, ലിബീഷ്, ഷമീർ എന്നിവരെ കോഴിക്കോട്ട് ബീച്ച് ആശുപത്രിയിലും പ്രവേശിപ്പിച്ചു. വാട്സ്ആപ് സന്ദേശവുമായി ബന്ധപ്പെട്ട് കഴിഞ്ഞദിവസം രാത്രിയിൽ ഇരു വിഭാഗത്തിലുംപെട്ട പ്രവർത്തകർ തമ്മിലുണ്ടായ വാക്കേറ്റമാണ് സംഘട്ടനത്തിൽ കലാശിച്ചത്. കുന്ദമംഗലം പൊലീസ് കേസെടുത്തു. ഉന്നത പൊലീസ് ഉദ്യോഗസ്ഥർ സ്ഥലം സന്ദർശിക്കുകയും തുടർ സംഘട്ടനങ്ങൾ ഉണ്ടാകാതിരിക്കാൻ പ്രദേശത്ത് പൊലീസിൽ കാവൽ ഏർപ്പെടുത്തുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.