കുറ്റ്യാടി: കുറ്റ്യാടി പുഴയിൽ ചെറിയകുമ്പളം ഭാഗത്ത് പമ്പ്ഹൗസിനു സമീപം കുളിക്കാനിറങ്ങിയ ഇതര സംസ്ഥാന തൊഴിലാളിയെ കാണാതായി. യു.പി കാൺപുർ ജാനാബാദിലെ ഖയ്യൂം ഖാനെയാണ് (22) വെള്ളിയാഴ്ച വൈകീട്ട് കാണാതായത്. സമീപത്തെ വീട്ടിലെ പെയിൻറിങ് ജോലി കഴിഞ്ഞ് കൂടെ ജോലി ചെയ്യുന്ന രണ്ടുപേർക്കൊപ്പം കുളിക്കുമ്പോൾ ഖയ്യൂം മുങ്ങിത്താഴുകയായിരുന്നെന്നാണ് കൂടെയുണ്ടായിരുന്നവർ പറയുന്നത്. നാദാപുരത്ത് നിന്നെത്തിയ ഫയർ ഫോഴ്സും കുറ്റ്യാടി, പേരാമ്പ്ര പൊലീസും തിരച്ചിൽ തുടരുകയാണ്. മതിയായ ഉപകരണങ്ങൾ ഇല്ലാത്തതിനാൽ ഫയർ ഫോഴ്സിന് പുഴയിൽ ഇറങ്ങാനായിട്ടില്ല. പയ്യോളിയിൽ നിന്ന് ബോട്ട് വരുത്താനുള്ള ശ്രമത്തിലാണ്. ഖയ്യൂമും കൂട്ടരും അടുത്ത കാലത്താണ് ചെറിയ കുമ്പളത്തെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.