പേരാമ്പ്ര: കല്ലോട് ആർ.എസ്.എസ് ശാഖ പരിശീലനം നടത്തുന്ന ചാമക്കുന്നുമ്മൽ താഴെ ഗ്രൗണ്ടിൽ കുപ്പിച്ചില്ലുകൾ വിതറിയ നടപടിയിൽ ബി.ജെ.പി പ്രതിഷേധിച്ചു. ശാഖ പ്രവർത്തനം തടസ്സപ്പെടുത്താൻ ഇതിനുമുമ്പും കുപ്പിച്ചില്ലുകൾ വിതറിയിരുന്നു. അന്ന് പൊലീസ് അന്വേഷണം നടത്തിയെങ്കിലും തുമ്പ് കണ്ടെത്താനായില്ലെന്ന് ബി.ജെ.പി. പറയുന്നു. ശാഖ പ്രവർത്തനം നടത്തുന്ന സ്ഥലത്ത് കുപ്പിച്ചില്ല് വിതറിയതിനെതിരെ പൊലീസ് ശക്തമായ നടപടി സ്വീകരിച്ചിട്ടില്ലെങ്കിൽ ഇതിനെ പ്രതിരോധിക്കാൻ ബി.ജെ.പി തയാറാകേണ്ടിവരുമെന്ന് മേഖല കമ്മറ്റി മുന്നറിയിപ്പ് നൽകി. കെ.കെ. ബബിലേഷ് അധ്യക്ഷത വഹിച്ചു. ഗ്രാമപഞ്ചായത്ത് മെംബർ പി. ബിജു കൃഷ്ണൻ, സി.കെ. ഷാജു, കെ.എം. മനോജ്, സി.കെ. ലിനീഷ്, കെ.ടി. സുരേഷ്, സി.കെ. ദാസൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.