നരിപ്പറ്റയിൽ സി.പി.എം-ലീഗ് ഏറ്റുമുട്ടൽ; നാലു പേർക്ക് പരിക്ക് കക്കട്ടിൽ: നരിപ്പറ്റ പഞ്ചായത്തിലെ കക്കുഴിപീടികയിൽ ലീഗ്-സി.പി.എം സംഘർഷത്തിൽ നാലു പേർക്ക് പരിക്കേറ്റു. പരിക്കേറ്റ ഡി.വൈ.എഫ്.ഐ യൂനിറ്റ് സെക്രട്ടറി കൊയ്യാൽ കിഴക്കെ തയ്യിൽ വിഷ്ണു (22), കൊയ്യാൽ തയ്യിൽ ഷിജിൽ (21) എന്നിവരെ കുറ്റ്യാടി താലൂക്ക് ആശുപത്രിയിലും യൂത്ത് ലീഗ് പ്രവർത്തകരായ കാഞ്ഞിരമുള്ളതിൽ മുഹമ്മദലി (25), കേളോത്ത് യാസീൻ (19) എന്നിവരെ നാദാപുരം താലൂക്ക് ആശുപത്രിയിലും പ്രവേശിപ്പിച്ചു. തിങ്കളാഴ്ച രാത്രി ബുള്ളറ്റിൽ സഞ്ചരിക്കുകയായിരുന്ന യൂത്ത് ലീഗ് പ്രവർത്തകർ ശബ്ദമുണ്ടാക്കിയതായി ആരോപിച്ച് തറവട്ടത്ത് ഇബ്രാഹിം സ്മാരക വായനശാലയിൽ ഇരിക്കുകയായിരുന്ന ഡി.വൈ.എഫ്.ഐ പ്രവർത്തകർ തടഞ്ഞതാണ് സംഘർഷത്തിലേക്കും ഏറ്റുമുട്ടലിലേക്കും നീങ്ങിയത്. വിവരമറിഞ്ഞ് സംഘടിച്ചെത്തിയ ഇരു വിഭാഗത്തെയും പിരിച്ചുവിടാൻ പൊലീസ് ലാത്തിവീശി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.