കോഴിക്കോട്: റിലയന്സ് ഫൗണ്ടേഷന് യൂത്ത് സ്പോര്ട്സിെൻറ ഭാഗമായുള്ള ഫുട്ബാള് ചാമ്പ്യന്ഷിപ്പില് ചൊവ്വാഴ്ച നടന്ന കോഴിക്കോട് പാദ മത്സരത്തില് അത്തോളി ഗവ. വൊക്കേഷനല് ഹയര് സെക്കൻഡറി സ്കൂളിന് വിജയം. ദേവഗിരി സെൻറ് ജോസഫ്സ് സ്കൂള് ഗ്രൗണ്ടില് നടന്ന സീനിയര് വിഭാഗം മത്സരത്തില് തലക്കുളത്തൂര് സി.എം.എം ഹയര് സെക്കൻഡറി സ്കൂളിനെ 4--3നാണ് അത്തോളി സ്കൂള് തോൽപിച്ചത്. ആദിത്യ ബാലു, എം. അഖിൽ, മുഹമ്മദ് മുനവ്വിർ, പി.വി. സലാം എന്നിവര് ഗോൾ നേടി. ജൂനിയര് ബോയ്സ് വിഭാഗത്തില് കോഴിക്കോട് സാമൂതിരീസ് ഹയര് സെക്കൻഡറി സ്കൂളിനോടും തലക്കുളത്തൂര് സ്കൂള് പരാജയപ്പെട്ടു. സ്കോർ: 5--0. ഇതേ ഗ്രൗണ്ടില് നടന്ന കോളജ് വിഭാഗം മത്സരത്തില് വയനാട് മുസ്ലിം ഓര്ഫനേജ് ആര്ട്സ് ആൻഡ് സയന്സ് കോളജ് രണ്ടിനെതിരെ മൂന്നു ഗോളുകള്ക്ക് മഞ്ചേരി എൻ.എസ്.എസ് കോളജിനെ തോൽപിച്ചു. photo: football റിലയന്സ് ഫൗണ്ടേഷന് യൂത്ത് സ്പോര്ട്സിെൻറ ഭാഗമായുള്ള ഫുട്ബാള് ചാമ്പ്യന്ഷിപ്പില് അത്തോളി ഗവ. വൊക്കേഷനല് ഹയര് സെക്കൻഡറി സ്കൂള് തലക്കുളത്തൂര് സി.എം.എം ഹയര് സെക്കൻഡറി സ്കൂളിനെ നേരിടുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.