പേരാമ്പ്ര: കൂത്താളി സർവിസ് സഹകരണ ബാങ്ക് ജനറൽ ബോഡി യോഗം ബഹളത്തിൽ കലാശിച്ചു. യു.ഡി.എഫ് ഭരിക്കുന്ന ബാങ്കിൽ കോൺഗ്രസ് അംഗങ്ങൾ തമ്മിലാണ് വാക്കേറ്റം നടന്നത്. നിലവിലുള്ള ബാങ്ക് പ്രസിഡൻറ് മഹിമ രാഘവൻ നായർ, മുൻ പ്രസിഡൻറ് രാജൻ കെ. പുതിയേടത്ത് എന്നിവരുടെ നേതൃത്വത്തിലുള്ള ഗ്രൂപ്പുകളാണ് പോരടിച്ചത്. അംഗങ്ങൾ എഴുതി തയാറാക്കി കൊണ്ടുവന്ന ചോദ്യത്തിന് ഭരണസമിതി കൃത്യമായ ഉത്തരം നൽകിയില്ലെന്നാണ് മുൻ പ്രസിഡൻറിെൻറ ഗ്രൂപ്പിെൻറ ആരോപണം. എന്നാൽ, എല്ലാ ചോദ്യത്തിനും കൃത്യമായ മറുപടി നൽകിയെന്നാണ് പ്രസിഡൻറ് പറയുന്നത്. നടപടികൾ പൂർത്തിയാക്കാതെയാണ് യോഗം അവസാനിപ്പിച്ചതെന്ന് എതിർവിഭാഗം ആരോപണമുന്നയിക്കുമ്പോൾ എല്ലാ നടപടികളും പൂർത്തീകരിച്ചെന്നാണ് ഭരണസമിതി അംഗങ്ങൾ പറയുന്നത്. വർഷങ്ങളായി ഈ ബാങ്കുമായി ബന്ധപ്പെട്ട് കോൺഗ്രസിലെ ഗ്രൂപ്പുകൾ തമ്മിൽ നിയമയുദ്ധം നടക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.