പേരാമ്പ്ര: കുറ്റ്യാടി-കോഴിക്കോട് സംസ്ഥാനപാതയിൽ മുളിയങ്ങൽ ടൗണിൽ മിനിലോറികൾ കൂട്ടിയിടിച്ച് ചൊവ്വാഴ്ച ഉച്ചയോടെ ഏറെനേരം ഗതാഗതം മുടങ്ങി. ഉള്ള്യേരി ഭാഗത്തേക്ക് പോകുന്ന കെ.എൽ 56 ബി 8187 മിനിലോറി മുളിയങ്ങൽ ബസ്സ്റ്റോപ്പിനടുത്തുള്ള ഹംപിൽ കയറി നിയന്ത്രണം വിട്ട് എതിർഭാഗത്തുനിന്ന് മണ്ണുമായി വരുകയായിരുന്ന കെ.എൽ.56 ഏ 5918 മിനിലോറിയിൽ ഇടിക്കുകയായിരുന്നു. ഇടിയുടെ ആഘാതത്തിൽ ഉള്ള്യേരിക്ക് പോകുന്ന ലോറിയുടെ ഗ്ലാസ് തകർന്നു. മണ്ണ് ലോറിയുടെ മുൻഭാഗം തകരുകയും സ്റ്റിയറിങ് പ്രവർത്തനരഹിതമാവുകയും ചെയ്തു. ഇത് മറ്റൊരു ടിപ്പർ ലോറി ഉപയോഗിച്ച് കെട്ടിവലിച്ചാണ് ഗതാഗത തടസ്സം നീക്കിയത്. പേരാമ്പ്രയിൽ എസ്.ഐ ജോസിെൻറ നേതൃത്വത്തിൽ പോലീസെത്തി ഗതാഗതതടസ്സമൊഴിവാക്കി. ഈ സമയം രോഗികളുമായി വന്ന ആംബുലൻസ് ഉൾപ്പെടെ വാഹനങ്ങൾ ഏറെനേരം ഗതാഗതക്കുരുക്കിൽ പെട്ടു .
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.