വടകര: അഴിയൂര് ഹൈസ്കൂള് പരിസരത്ത് ആര്.എസ്.എസ്-എസ്.ഡി.പി.ഐ പ്രവര്ത്തകര് ഏറ്റുമുട്ടി അഞ്ചുപേര്ക്ക് പരിക്ക്. അഴിയൂര് ഹയര് സെക്കന്ഡറി സ്കൂള് പരിസരത്ത് എ.ബി.വി.പി സ്ഥാപിച്ച കൂറ്റന് ബോര്ഡിനെ ചൊല്ലിയുള്ള തര്ക്കമാണ് സംഘര്ഷത്തില് കലാശിച്ചത്. വെള്ളിയാഴ്ച മൂന്നുമണിയോടെയാണ് സംഭവം. മൂന്ന് എസ്.ഡി.പി.ഐ പ്രവര്ത്തകര്ക്കും രണ്ട് ആര്.എസ്.എസ് പ്രവര്ത്തകര്ക്കുമാണ് പരിക്കേറ്റത്. അക്രമത്തില് പരിക്കേറ്റ എസ്.ഡി.പി.ഐ ഹൈസ്കൂള് ബ്രാഞ്ച് പ്രവര്ത്തകരായ കൈതാല് തയ്യില് റഹീസ് (29), മാടോള്ളതില് ആഷിഖ് (27), ഷാനിദ് പുനത്തില് (31) എന്നിവരെ മാഹി ആശുപത്രിയില് പ്രവേശിപ്പിച്ചു. ആര്.എസ്.എസ് മണ്ഡല് കാര്യവാഹ് അഴിയൂര് താഴെ പറമ്പില് വിനീഷ് (26), അഴിയൂരിലെ പി.ടി. അശ്വന്ത് (20) എന്നിവരെ തലശ്ശേരി സഹകരണ ആശുപത്രിയിലും പ്രവേശിപ്പിച്ചു. പ്രദേശത്ത് പൊലീസ് കാവലേര്പ്പെടുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.