മുക്കം: സ്കൂളുകളും അങ്ങാടികളും കേന്ദ്രീകരിച്ച് കഞ്ചാവ് വില്പന നടത്തുന്ന രണ്ട് വിദ്യാര്ഥികളെ മുക്കം പൊലീസ് പിടികൂടി. മുക്കം നെല്ലിക്കാപറമ്പ് സ്വദേശി കപ്പക്കാട് ടി.ടി. ഫൈസല് (18), മണാശ്ശേരി പൊക്കിപറമ്പ് സ്വദേശി അബ്ദുല് അസീസ് (18) എന്നിവരാണ് പിടിയിലായത്. നാട്ടുകാര് വിവരമറിയിച്ചതിനെ തുടര്ന്നാണ് പൊലീസ് സ്ഥലത്തത്തെിയത്. വ്യാഴാഴ്ച രാവിലെ 11നാണ് സംഭവം. നെല്ലിക്കാപ്പറമ്പ് അങ്ങാടിക്ക് സമീപം കുറ്റിക്കാട് കേന്ദ്രീകരിച്ച് മാസങ്ങളായി കഞ്ചാവ് വില്പന നടത്തുന്നതായി പരാതിയുയര്ന്നിരുന്നു. ഇതേതുടര്ന്ന് നാട്ടുകാര് നിരീക്ഷണവും ശക്തമാക്കിയിരുന്നു. ഇതിന്െറ അടിസ്ഥാനത്തില് പൊലീസിന്െറ സാന്നിധ്യത്തില് നാട്ടുകാര് കാട് വെട്ടിത്തെളിക്കുകയും വില്പനക്കാരെ പൊലീസ് അറസ്റ്റ് ചെയ്യുകയുമായിരുന്നു. ഇവരില്നിന്ന് 250 ഗ്രാം കഞ്ചാവും കണ്ടെടുത്തു. തുടര്ന്ന് നെല്ലിക്കാപറമ്പ് സ്വദേശി ഫൈസലിന്െറ വീട് പൊലീസ് റെയ്ഡ് ചെയ്തു. മുക്കം എസ്.ഐ മുഹമ്മദലിയുടെ നേതൃത്വത്തിലാണ് റെയ്ഡ് നടന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.