കോട്ടയം: കേന്ദ്ര-സംസ്ഥാന സര്‍ക്കാറുകള്‍ സംയുക്തമായി നടപ്പാക്കുന്ന ആയുഷ്മാന്‍ ഭാരത്-കാരുണ്യ ആരോഗ്യ ഇന്‍ഷുറന്‍സ് പദ്ധതിയില്‍ ജില്ലയില്‍ 2,01320 കുടുംബങ്ങള്‍ക്ക് അംഗത്വം. ആകെ അര്‍ഹതയുള്ള കുടുംബങ്ങളുടെ 85 ശതമാനമാണിത്. ഇവര്‍ക്കുള്ള കാര്‍ഡ് വിതരണം പഞ്ചായത്തുകള്‍ മുഖേന നടന്നുവരുകയാണ്. മാര്‍ച്ച് 31വരെ സാധുതയുള്ള ആരോഗ്യ ഇന്‍ഷുറന്‍സ് കാര്‍ഡുള്ള കുടുംബങ്ങള്‍ക്കും കേന്ദ്ര പദ്ധതിയില്‍ ഉള്‍പ്പെടുത്തി കത്ത് കിട്ടിയ കുടുംബങ്ങള്‍ക്കുമാണ് പുതിയ കാര്‍ഡ് ലഭിക്കുക. ആധാര്‍ കാര്‍ഡ്, റേഷന്‍ കാര്‍ഡ്, ആരോഗ്യ ഇന്‍ഷുറന്‍സ് കാര്‍ഡ്, 50 രൂപ, മൊബൈല്‍ നമ്പര്‍ എന്നിവ സഹിതം കുടുംബത്തിലെ ഒരു അംഗം കാര്‍ഡ് പുതുക്കല്‍ കേന്ദ്രത്തില്‍ എത്തണം. പദ്ധതിപ്രകാരം ഒരു കുടുംബത്തിന് അഞ്ചുലക്ഷം രൂപയുടെ സൗജന്യ ചികിത്സ തെരഞ്ഞെടുക്കപ്പെട്ട ആശുപത്രികളിലൂടെ ഒരു വര്‍ഷം ലഭിക്കും. കുടുംബത്തിലെ മറ്റംഗങ്ങളെ ആശുപത്രിയില്‍ അഡ്മിറ്റ് ആക്കുമ്പോഴും ജില്ലതലത്തിലുള്ള കിയോസ്ക് മുഖേനയും കൂട്ടിച്ചേര്‍ക്കാന്‍ അവസരം ലഭിക്കും. പഞ്ചായത്ത് തലത്തിലുള്ള കാര്‍ഡ് പുതുക്കല്‍ കേന്ദ്രങ്ങൾ അറിയാൻ കുടുംബശ്രീ സി.ഡി.എസുമായി ബന്ധപ്പെടണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.