ചങ്ങനാശ്ശേരി: എസ്.എന്.ഡി.പി മൈക്രോ യൂനിറ്റ് സെക്രട്ടറി പ്രശാന്ത് രവിയെ കുറിച്ചി റെഡിമെയ്ഡ് ജങ്ഷനിൽ ഒരു സംഘം ആക്രമിച്ചതായി പരാതി. ശബരിമല യുവതി പ്രവേശനവുമായി ബന്ധപ്പെട്ട് കഴിഞ്ഞദിവസം നടന്ന ഹര്ത്താലിനെ അനുകൂലിച്ച് പ്രശാന്ത് രവിയുടെ നേതൃത്വത്തിൽ പ്രകടനം നടത്തിയിരുന്നു. അതിെൻറ അനിഷ്ടം മൂലം ഡി.വൈ.എഫ്.ഐ അനുഭാവികളായവർ ആക്രമിച്ചെന്നാണ് ആക്ഷേപം. പ്രശാന്ത് ആശുപത്രിയിൽ ചികിത്സ തേടി. പ്രതികളെ അറസ്റ്റ് ചെയ്യണമെന്ന് ശബരിമല കർമസമിതി കുറിച്ചി പഞ്ചായത്ത് കമ്മിറ്റി ആവശ്യപ്പെട്ടു. പഞ്ചായത്ത് മെംബർ ബി.ആർ. മഞ്ജീഷ്, ജി. ശ്രീകുമാർ, കുഞ്ഞുമോൻ ഉതിക്കൽ, പി.കെ. ഗോപാലകൃഷ്ണൻ, എം.എസ്. കൃഷ്ണകുമാർ, രതീഷ് വി. കുറിച്ചി തുടങ്ങിയവർ പ്രശാന്ത് രവിയെ സന്ദര്ശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.