കോട്ടയം: ദുരഭിമാനക്കൊലക്ക് ഇരയായ കെവിെൻറ ഭാര്യ നീനയുടെ ഇനിയുള്ള വിദ്യാഭ്യാസച്ചെലവ് പൂർണമായും യുവജന കമീഷൻ വഹിക്കുമെന്ന് കമീഷൻ അധ്യക്ഷ ചിന്ത ജെറോം. ബുധനാഴ്ച നീനുവിനെ വസതിയിലെത്തി സന്ദർശിച്ച ശേഷമാണ് ചിന്ത ഉറപ്പുനൽകിയത്. പഠിച്ച് ജോലി നേടി കെവിെൻറ കുടുംബത്തെ നോക്കണമെന്നാണ് നീന പറഞ്ഞത്. കോട്ടയം അമലഗിരി കോളജിൽ ബി.എസ്സി ജിയോളജി അവസാന വർഷ വിദ്യാർഥിനിയാണ് നീനു. കെവിനൊപ്പം തട്ടിക്കൊണ്ടുപോകപ്പെട്ട അനീഷ് ജീവന് ഭീഷണിയുണ്ടെന്ന് കമീഷനോട് പറഞ്ഞതിെൻറ അടിസ്ഥാനത്തിൽ സുക്ഷ ഉറപ്പാക്കാൻ പൊലീസിന് നിർദേശം നൽകുമെന്നും ചിന്ത പറഞ്ഞു. കമീഷൻ അംഗങ്ങളായ ജനീഷ് കുമാർ, വിനിൽ, ദീപു രാധാകൃഷ്ണൻ എന്നിവരും എസ്.എഫ്.ഐ സംസ്ഥാന പ്രസിഡൻറ് ജെയക് സി. തോമസും സന്ദർശക സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.