ഇടുക്കി: സർക്കാറിെൻറ രണ്ടാം വാർഷികാഘോഷങ്ങളുടെ ഭാഗമായി ആയുഷ് വകുപ്പ് ആഭിമുഖ്യത്തിൽ നാഷനൽ ആയുഷ് മിഷൻ ആവിഷ്കരിച്ച 'രാരീരം' പദ്ധതിയുടെ സംസ്ഥാനതല ഉദ്ഘാടനം തിങ്കളാഴ്ച ആരോഗ്യമന്ത്രി കെ.കെ. ശൈലജ ഇടുക്കിയിൽ നിർവഹിക്കും. പാറേമാവ് ജില്ല ആയുർവേദ ആശുപത്രി (അനക്സ്) അങ്കണത്തിൽ രാവിലെ 9.30ന് നടക്കുന്ന ചടങ്ങിൽ വൈദ്യുതി മന്ത്രി എം.എം. മണി അധ്യക്ഷതവഹിക്കും. ജോയിസ് ജോർജ് എം.പി മുഖ്യാതിഥിയാകും. റോഷി അഗസ്റ്റിൻ എം.എൽ.എ മുഖ്യപ്രഭാഷണം നടത്തും. ഭാരതീയ ചികിത്സ വകുപ്പ് ഡയറക്ടർ ഡോ. അനിത ജേക്കബ് പദ്ധതി വിശദീകരിക്കും. ഗർഭിണി പരിചരണം, പ്രസവാന്തര ശുശ്രൂഷ, നവജാത ശിശു പരിചരണം എന്നിവയെക്കുറിച്ച് ജനങ്ങൾക്ക് അറിവ് പകരുകയാണ് പദ്ധതിയുടെ ലക്ഷ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.