ചങ്ങനാശ്ശേരി: എക്സൈസ് സിവിൽ ഓഫിസറുടെ കാർ ഗുണ്ടകൾ തല്ലിത്തകർത്തു. ചങ്ങനാശ്ശേരി എക്സൈസ് ഓഫിസിലെ സിവിൽ ഓഫിസർ ചങ്ങനാശ്ശേരി നാലുകോടി കുളത്തിൽ സീമ നിവാസിൽ രതീഷ് കെ. നാണുവിെൻറ വീടിനുമുന്നിൽ പാർക്ക് ചെയ്ത കാറാണ് തിങ്കളാഴ്ച രാത്രി പത്തോടെ ബൈക്കിലെത്തിയ അക്രമിസംഘം തല്ലിത്തകർത്തത്. നാലുകോടി കേന്ദ്രീകരിച്ച് പ്രവർത്തിക്കുന്ന കഞ്ചാവ് സംഘങ്ങൾക്കെതിരെ കേസെടുത്ത അന്വേഷണസംഘത്തിലെ അംഗമായിരുന്നു രതീഷ്. ഇതാകാം പ്രകോപനത്തിന് കാരണമെന്ന് കരുതുന്നതായി രതീഷ് പറഞ്ഞു. ബൈക്കിലെത്തിയ രണ്ടുപേർ വീടിനോടുചേർന്ന് നാലുകോടി -തിരുവല്ല ബൈപാസിൽ പാർക്ക് ചെയ്ത കാർ കമ്പിവടിക്ക് അടിച്ചുതകർത്ത് രക്ഷപ്പെടുകയായിരുന്നു. തൃക്കൊടിത്താനം പൊലീസ് കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.