ശ്രീനഗർ: ദക്ഷിണ കശ്മീരിലെ ഷോപിയാൻ ജില്ലയിൽ സൈനിക വാഹന ചെക്ക്പോസ്റ്റിനടുത്തുണ്ടായ വെടിവെപ്പിൽ ഒരു തീവ്രവാദി ഉൾപ്പെടെ നാലുപേർ കൊല്ലപ്പെട്ടു. ചെക്ക്പോസ്റ്റിൽ നിർത്താതെ പോയ വാഹനത്തിൽനിന്ന് സൈന്യത്തിനുനേരെ വെടിവെപ്പുണ്ടായതിനെ തുടർന്ന് തിരിച്ച് വെടിവെക്കുകയായിരുന്നു. തീവ്രവാദിയുടെ പക്കൽനിന്ന് ആയുധവും കണ്ടെടുത്തു. പൊലീസ് സ്ഥലത്തെത്തിയതിനെ തുടർന്നാണ് സമീപത്തെ കാറിൽനിന്ന് മൂന്നു പേരെ മരിച്ച നിലയിൽ കണ്ടെത്തിയത്. ഇൗ മൂന്നു പേർക്കും മരിച്ച തീവ്രവാദിയുമായി ബന്ധമുണ്ടോ എന്ന കാര്യത്തിൽ പരസ്പര വിരുദ്ധമായ റിപ്പോർട്ടുകളാണുള്ളത്. മൂവരും ഷോപിയാനിലെ താമസക്കാരാണ്. മരിച്ച തീവ്രവാദി ഷാഹിദ് അഹ്മദ് ദർ എന്നയാളാണ്. ഇയാൾ ഷോപിയാനിലെ ജാംനഗരി നിവാസിയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.