മഞ്ചേരി: മാനസിക വെല്ലുവിളി നേരിടുന്ന ബാലികയെ പീഡിപ്പിച്ച മഞ്ചേരി നഗരസഭ അംഗം പൊലീസ് പിടിയിൽ. ഒളിവില്പോയ മുസ്ലിം ലീഗ് കൗണ്സിലർ കാളിയാർതൊടി കുട്ടനെ (60) ഗുഡല്ലൂരിലെ സ്വകാര്യ ലോഡ്ജിൽവെച്ച് വ്യാഴാഴ്ച വൈകീട്ട് നാലോടെയാണ് പിടികൂടിയത്. രഹസ്യവിവരത്തെ തുടര്ന്നാണ് എസ്.ഐ റിയാസ് ചാക്കീരിയുടെ നേതൃത്വത്തിലുള്ള അന്വേഷണ സംഘം ഗുഡല്ലൂര് കേന്ദ്രീകരിച്ച് പരിശോധന നടത്തിയത്. ഇയാളുടെ മൊബൈല് ഫോണ് ദിവസങ്ങളായി പൊലീസ് നിരീക്ഷണത്തിലായിരുന്നു. സംഭവം വിവാദമായതോടെ പ്രതിയെ പിടികൂടാന് പൊലീസ് അന്വേഷണം ഊര്ജിതമാക്കിയിരുന്നു. അമ്മ ഒപ്പമില്ലാത്ത കുട്ടി മുത്തച്ഛനും മുത്തശ്ശിക്കുമൊപ്പമാണ് താമസം. കഴിഞ്ഞ ഡിസംബര് മുതല് പലപ്പോഴായി ബാലിക പീഡനത്തിനിരയായിട്ടുണ്ട്. ചൈല്ഡ് ലൈന് നിര്ദേശപ്രകാരമാണ് ഇയാള്ക്കെതിരെ പൊലീസ് കേസ് രജിസ്റ്റര് ചെയ്തത്. കേസ് രജിസ്റ്റർ ചെയ്തതോടെ കുട്ടനെ പാര്ട്ടിയില്നിന്ന് പുറത്താക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.