ചുങ്കപ്പാറ: ചുങ്കപ്പാറ-ആലപ്രക്കാട് പി.ഡബ്ല്യു.ഡി റോഡിൽ ഉൗരുകുഴിത്തോടിന് കുറുകെ നിർമിച്ച പാലത്തിെൻറ ഇരുവശത്തെയും കൈവരികൾ തകർന്നു. വർഷങ്ങൾ ഏറെ കഴിഞ്ഞിട്ടും പൊതുമരാമത്ത് അധികൃതർക്ക് അനക്കമില്ല. പാലത്തിെൻറ കൈവരികളിലെ കോൺക്രീറ്റ് ഇളകി കമ്പികൾ ദ്രവിച്ച് തെളിഞ്ഞുനിൽക്കുകയാണ്. വഞ്ചികപ്പാറ, ആലപ്രക്കാട്, കോട്ടാങ്ങൽ, പൊന്തൻപുഴ ഭാഗത്തേക്ക് പോകാൻ നിരവധി വാഹനങ്ങൾ ഇൗ റോഡിനെ ആശ്രയിക്കുന്നു. കുത്തനെയുള്ള ഇറക്കവും കൊടുംവളവും അപകടസാധ്യത വർധിപ്പിക്കുന്നു. 1994ൽ പണിത പാലം രണ്ടര പതിറ്റാണ്ട് പിന്നിട്ടിട്ടും അറ്റകുറ്റപ്പണി ചെയ്യാൻപോലും തയാറായിട്ടില്ലെന്ന് നാട്ടുകാർ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.