കോട്ടയം: കുടുംബത്തിന് വീടൊരുക്കാന് ഭൂമി അനുവദിക്കാന് വേണ്ട സഹായം ചെയ്യണമെന്നാവശ്യപ്പെട്ട് കെവിെൻറ പിതാവ് ജോസഫ് സി.പി.ഐ സംസ്ഥാന സെക്രട്ടറി കാനം രാജേന്ദ്രന് നിവേദനം നല്കി. വെള്ളിയാഴ്ച കെവിെൻറ കുടുംബത്തെ കാണാന് നട്ടാശ്ശേരിയിലെ വീട്ടിലെത്തിയപ്പോഴാണ് നിവേദനം കൈമാറിയത്. കെവിെൻറ മരണത്തെ തുടര്ന്ന് കുടുംബത്തിെൻറ ഭാരം പൂര്ണമായും ചുമലിലായി. ഈ സാഹചര്യത്തില് ഭൂമി വാങ്ങി വീടുവെക്കാൻ കഴിയില്ല. അതിനാല് ഭൂമി അനുവദിക്കാന് സഹായം ചെയ്യണമെന്ന് നിവേദനത്തില് പറയുന്നു. വിഷയം സര്ക്കാറിെൻറ ശ്രദ്ധയില്പെടുത്തുമെന്ന് കാനം രാജേന്ദ്രന് കുടുംബത്തെ അറിയിച്ചു. പഠനം മുടക്കരുതെന്നും ജീവിതപ്രതിസന്ധികളില് തളര്ന്നുപോകരുതെന്നും കെവിെൻറ ഭാര്യ നീനുവിനോടും അദ്ദേഹം പറഞ്ഞു. ജില്ല സെക്രട്ടറി സി.കെ. ശശിധരന്, സംസ്ഥാന കൗണ്സില് അംഗങ്ങളായ വി.ബി. ബിനു, ലീനമ്മ ഉദയകുമാര്, ജില്ല അസി. സെക്രട്ടറി ആര്. സുശീലന്, മണ്ഡലം സെക്രട്ടറി ടി.സി. ബിനോയ് എന്നിവരും ഒപ്പമുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.