പാലാ: ജോസ് കെ. മാണി എം.പിയുടെ ഭാര്യ നിഷ ജോസ് കെ. മാണിയെ അപകീര്ത്തിപ്പെടുത്തി സമൂഹമാധ്യമങ്ങളിലൂടെ പ്രചാരണം നടത്തിയ കേസിലെ പ്രതി സമര്പ്പിച്ച മുന്കൂര് ജാമ്യാപേക്ഷ കോട്ടയം ജില്ല കോടതി തള്ളി. പ്രതിയായ മജീഷ് കൊച്ചുമലയില് ഏറ്റുമാനൂര് സ്വദേശിയാണ്. ജാമ്യം നിഷേധിച്ചതിനെ തുടര്ന്ന് ഇയാൾ ഒളിവില് പോയതായി സൂചനയുണ്ട്. പ്രതിയുടെ അറസ്റ്റ് ഉടന് ഉണ്ടാകുമെന്ന് പൊലീസ് പറഞ്ഞു. േഫസ്ബുക്ക് ഉള്പ്പടെയുള്ള സമൂഹമാധ്യമങ്ങളിലൂടെ നിരന്തരം അശ്ലീല പ്രചാരണം നടത്തുകയെന്ന ഗുരുതരകുറ്റകൃത്യമാണ് പ്രതി നടത്തിയതെന്ന നിരീക്ഷണത്തിെൻറ അടിസ്ഥാനത്തിലാണ് മുന്കൂര് ജാമ്യാപേക്ഷ തള്ളിയത്. സമൂഹമാധ്യമങ്ങളിലൂടെ ചിലര് കരുതിക്കൂട്ടി അപവാദ പ്രചാരണം നടത്തുന്നുവെന്ന് നിഷ ജോസ് കെ. മാണി ജില്ല പൊലീസ് സൂപ്രണ്ടിന് പരാതി നല്കിയിരുന്നു. പരാതിയില് പ്രഥമദൃഷ്ട്യ തെളിവുണ്ടെന്ന് കണ്ടതിെൻറ അടിസ്ഥാനത്തിലാണ് പാലാ പൊലീസ് കേസെടുത്തത്. ജയിംസ് ചാക്കോ, ഫിറോസ് ഫിറു ഒറ്റപ്പാലം, സിബിച്ചന് അബ്രഹാം, അന്സാര്, മജീഷ് കൊച്ചുമലയില് എന്നീ പേരുകളിലുള്ള ഫേസ്ബുക്ക് അക്കൗണ്ട് ഉടമകളെ പ്രതി ചേര്ത്താണ് കേസ്. കൂടുതല് അന്വേഷണത്തിനായി പൊലീസ് സൈബര് കുറ്റാന്വേഷണ വിഭാഗം ഫേസ്ബുക്ക് അധികൃതരുമായി ബന്ധപ്പെട്ടിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.