'വഴുക്കലുള്ള സ്​ഥലത്തുകൂടി ചിലർ ഉമ്മൻ ചാണ്ടിയെ പിടിക്കാതെ നടത്തിച്ചു'.

കോൺഗ്രസിനെ രൂക്ഷമായി വിമർശിച്ച് മഹാരാഷ്ട്ര മുൻ ഗവർണർ കെ. ശങ്കരനാരായണൻ തൃശൂർ: ചെങ്ങന്നൂർ ഉപതെരഞ്ഞെടുപ്പിലെ കനത്ത തോൽവിക്ക് പിന്നാലെ കോൺഗ്രസിനെ രൂക്ഷമായി വിമർശിച്ച് മഹാരാഷ്ട്ര മുൻ ഗവർണർ കെ. ശങ്കരനാരായണൻ. 'പരസ്പരം ബഹുമാനിക്കാൻ അറിയാത്തവരാണ് ഇപ്പോൾ കോൺഗ്രസ് പാർട്ടിയിലുള്ളവർ ഭരണഘടന പോലും അറിയാത്തവർ പാർട്ടി നേതാക്കളായി നടക്കുകയാണ്'-മുതിർന്ന കോൺഗ്രസ് നേതാവ് കൂടിയായ ശങ്കരനാരായണൻ ആക്ഷേപിച്ചു. സർവിസിൽ നിന്ന് വിരമിച്ച ഏജീസ് ഒാഫിസ്എംേപ്ലായീസ് കോൺെഫഡറേഷ​െൻറയും നാഷനൽ കോൺഫെഡറേഷൻ ഒാഫ് സെൻട്രൽ ഗവ.എംേപ്ലായീസ് ആൻഡ് വർക്കേഴ്സ് പ്രസിഡൻറുമായ കെ.ജെ. റാഫിക്ക് സുഹൃദ്സംഘം ഒരുക്കിയ സ്നേഹാദരത്തി​െൻറ ഉദ്ഘാടനം നിർവഹിക്കുകയായിരുന്നു അദ്ദേഹം. ജനങ്ങൾക്ക് ആവശ്യമുള്ളത് എന്താണെന്ന് കാണണമെന്ന് അദ്ദേഹം പറഞ്ഞു. ജനങ്ങൾക്ക് ഇഷ്ടമില്ലാത്ത തീരുമാനങ്ങൾ അവസാന കാലത്ത് ഉമ്മൻചാണ്ടിയെക്കൊണ്ട് എടുപ്പിച്ചതാണ് അടിതെറ്റാൻ കാരണം. വഴുക്കലുള്ള സ്ഥലത്തുകൂടി ചിലർ ഉമ്മൻ ചാണ്ടിയെ പിടിക്കാതെ നടത്തിച്ചു. ഉമ്മൻ ചാണ്ടിയെ പോലെ മറ്റൊരു രാഷ്ട്രീയ നേതാവിനെ രാജ്യത്ത് കണ്ടെത്താനാവില്ലെന്നും ശങ്കരനാരായണൻ പറഞ്ഞു.