കോട്ടയം: സി.എസ്.ഐ സഭയുടെ മുന്നേറ്റത്തെ തടയാനുള്ള ശ്രമങ്ങളെ അർഹിക്കുന്ന രീതിയിൽ തള്ളിക്കളയുന്നതായി സി.എസ്.ഐ മോഡറേറ്റർ ബിഷപ് തോമസ് കെ. ഉമ്മൻ. ഭാരതത്തിലെ ൈക്രസ്തവ സഭകളുടെ ആത്മാവ് കുടികൊള്ളുന്ന സഭയാണിത്. സി.എസ്.ഐ മധ്യകേരള മഹായിടവക ദിനാഘോഷവും വിശ്വാസസംഗമവും ഉദ്ഘാടനം ചെയ്യുകയായിരുന്നു അദ്ദേഹം. പുതുതായി പണികഴിപ്പിച്ച ഓഫിസ് സമുച്ചയത്തിലേക്കുള്ള പ്രവേശനവും സെൻറ് ജയിംസ് ചാപ്പലിെൻറ പ്രതിഷ്ഠയും നടന്നു. 'ശിഷ്യത്വത്തിലേക്കുള്ള വിളി' വിഷയത്തെ ആസ്പദമാക്കി സെമിനാർ നടന്നു. കോർപറേറ്റ് മാനേജ്മെൻറിെൻറ കീഴിലുള്ള വിദ്യാലയങ്ങളിൽ ഉന്നത വിജയം കൈവരിച്ചവരെ ആദരിച്ചു. ബംഗളൂരു യുനൈറ്റഡ് തിയോളജിക്കൽ കോളജിൽ 'പഴയനിയമ' വിദഗ്ധപഠനത്തിനായി ആരംഭിക്കുന്ന ഡോ. ഇ.സി. ജോൺ ചെയർ ഉദ്ഘാടനം ചെയ്തു. വൈദിക സെക്രട്ടറി ഫാ. ജോൺ ഐസക്, അൽമായ സെക്രട്ടറി ഡോ. സൈമൺ ജോൺ, ട്രഷറർ ഫാ. തോമസ് പായിക്കാട്, രജിസ്ട്രാർ ജേക്കബ് ഫിലിപ്പ് കല്ലുമല, ഡോ. കുരുവിള ജോർജ്, ഫാ. ഫെലിക്സ് മാത്യു, ഡോ. സൂസൻ തോമസ്, ഡോ. ചിലിഗുരി വസന്തറാവു, ഡോ. ജയചിത്ര, പ്രഫ. സി.എ. എബ്രഹാം, കോർപറേറ്റ് മാനേജർ ടി.ജെ. മാത്യു, ജോസ് പായിക്കാട് തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.