വൈക്കം: കനത്തമഴയിലും കാറ്റിലും സ്കൂൾ കെട്ടിടം തകർന്നുവീണു. വൈക്കം ഗവ. ബോയ്സ് ഹയർ സെക്കൻഡറി സ്കൂൾ ലാബിെൻറ മേൽക്കൂരയുടെ ഒരുഭാഗമാണ് തകർന്നത്. തിങ്കളാഴ്ച രാവിലെ 8.45നാണ് സംഭവം. ഈസമയം ലാബിൽ ആരുമില്ലാതിരുന്നത് ദുരന്തം ഒഴിവാക്കി. ഉപകരണങ്ങൾ പൂർണമായി നശിച്ചു. സ്കൂൾ അന്താരാഷ്ട്ര നിലവാരത്തിലേക്ക് ഉയർത്തുന്നതിെൻറ ഭാഗമായി പൊളിച്ചുമാറ്റാൻ തീരുമാനിച്ചിരുന്നതാണ് ഈ കെട്ടിടം. നൂറ്റാണ്ട് പഴക്കമുള്ള സ്കൂളിലെ പല കെട്ടിടങ്ങളും അപകടഭീഷണി ഉയർത്തുന്നതാണ്. വർഷങ്ങൾക്ക് മുമ്പ് സ്കൂളിനു സമീപം പ്രവർത്തിച്ചിരുന്ന എ.ഇ ഓഫിസ് കെട്ടിടവും ഇതുപോലെ നിലംപൊത്തിയിരുന്നു. മാസങ്ങൾക്ക് മുമ്പാണ് ഈ കെട്ടിടം പുനർനിർമിച്ച് ഉദ്ഘാടനം ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.