കോട്ടയം: തുടർച്ചയായി മൂന്നാം തവണയും സംസ്ഥാന സ്കൂൾ കലോത്സവത്തിൽ അറബിക് ഗാനം, അറബിക് പദ്യംചൊല്ലൽ, മാപ്പിളപ്പാട്ട് എന്നിവയിൽ എ ഗ്രേഡ് വിജയം നേടിയ ആശിഖ് നൗഷാദ് കോട്ടയത്തിന് അഭിമാനമായി. മേവെള്ളൂർ കെ.എം.എച്ച്.എസ്.എസിലെ പത്താം ക്ലാസ് വിദ്യാർഥിയാണ്. കോട്ടയം നഗരസഭ ജീവനക്കാരനായ തലയോലപ്പറമ്പ് കരിപ്പാടം കുന്നുപറമ്പിൽ നൗഷാദിെൻറയും നസീറയുടെയും മകനാണ്. 1993ല് സംസ്ഥാന സ്കൂള് കലോത്സവത്തില് അറബിക് ഗാനത്തിലെ എ ഗ്രേഡ് ജേതാവ് കൂടിയായ പിതാവിെൻറ പരിശീലനത്തിലാണ് ഹാട്രിക് വിജയനേട്ടം സ്വന്തമാക്കിയത്. വരിക്കാംകുന്ന് കെ.എച്ച്.എം.എൽ.പി സ്കൂളിലെ നാലാം ക്ലാസ് വിദ്യാര്ഥിയായ സഹോദരി അനീസയും ഇതേപാതയാണ് പിന്തുടരുന്നത്. സ്കൂളിൽ നടന്ന അറബിക് ഗാനമത്സരത്തിൽ ഒന്നാം സ്ഥാനം നേടിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.