കോട്ടയം: ദുരന്തമുഖത്തുനിന്ന് പൂർണഗർഭിണിയെ ഹെലികോപ്ടറില് രക്ഷപ്പെടുത്തി ആശുപത്രിയിലെത്തിച്ചു. എയ്ഞ്ചല്വാലി ആറാട്ടുകളം മുട്ടുമണ്ണില് വീട്ടില് അനീഷിെൻറ ഭാര്യ രജനിയെയാണ് (24) ഹെലികോപ്ടറിലെത്തിയ സംഘം രക്ഷപ്പെടുത്തിയത്. മൂന്നുദിവസമായി കനത്തമഴ പെയ്യുന്ന എയ്ഞ്ചല് വാലിയില് റോഡുകള് മിക്കതും മണ്ണിടിഞ്ഞ് ഗതാഗതയോഗ്യമല്ലാതായിരുന്നു. മിക്കവീടുകളും ഒറ്റപ്പെട്ട് കിടക്കുകയാണ്. വ്യാഴാഴ്ച രാവിലെ വേദന അനുഭവപ്പെട്ട രജനിയെ മുന് വാര്ഡ് അംഗം സിബിയുടെ നേതൃത്വത്തിൽ എയ്ഞ്ചല്വാലി ഇംഗ്ലീഷ് മീഡിയം സ്കൂളിെൻറ ഗ്രൗണ്ടിലെത്തിച്ചു. തുടർന്ന് ജില്ല ഭരണകൂടത്തിെൻറ ഇടപെടലിൽ മെഡിക്കല്സംഘവുമായി ഹെലികോപ്ടർ എയ്ഞ്ചല്വാലി സ്കൂള്ഗ്രൗണ്ടിലേക്ക് കുതിച്ചു. കോട്ടയം ജില്ല ആശുപത്രിയിലെ ഡോ. ഭാഗ്യശ്രീയുടെ നേതൃത്വത്തിൽ മെഡിക്കല്സംഘം പരിശോധനക്കുശേഷമാണ് രജനിയെ ഹെലികോപ്ടറിലേക്ക് കയറ്റിയത്. ഇൗസമയം രജനിക്ക് ബോധക്ഷയം ഉണ്ടായത് പരിഭ്രാന്തി സൃഷ്ടിച്ചു. കാഞ്ഞിരപ്പള്ളി അമല്ജ്യോതി എൻജിനീയറിങ് കോളജ് ഗ്രൗണ്ടിലെത്തിച്ച രജനിയെ കാഞ്ഞിരപ്പള്ളി ജനറല് ആശുപത്രിയിലേക്ക് മാറ്റി. അപകടനില തരണം ചെയ്തുവെന്നും ലേബര് റൂമില് നിരീക്ഷണത്തിലാണെന്നും സൂപ്രണ്ട് ഡോ. ബാബു സെബാസ്റ്റ്യന് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.