പുതിയ കക്ഷികൾ യു.ഡി.എഫിലേക്ക് വരും -ജോണി നെല്ലൂർ കോട്ടയം: യു.ഡി.എഫിൽനിന്ന് ഒരുകക്ഷിയും വിട്ടുപോകില്ലെന്നും പുതിയ ചില കക്ഷികൾ യു.ഡി.എഫിലേക്ക് വരുമെന്നും കേരള കോൺഗ്രസ് (ജേക്കബ്) ചെയർമാൻ ജോണി നെല്ലൂർ. വീരേന്ദ്രകുമാറിനെ പിണറായി കണ്ടത് മുന്നണി മാറ്റമായി വ്യാഖാനിക്കേണ്ടതില്ല. കോട്ടയത്ത് വാർത്തസമ്മേളനത്തിൽ സംസാരിക്കുകയായിരുന്നു അദ്ദേഹം. ഒാണം, ബക്രീദ് ആഘോഷങ്ങളുടെ ഭാഗമായി പ്രഖ്യാപിച്ച സ്പെഷൽ പഞ്ചസാരയും അരിയും 60 ശതമാനം റേഷൻ കടകളിലും ലഭിച്ചില്ല. ഇവ നൽകുമെന്നുള്ള സന്ദേശം ഉപഭോക്താക്കളുടെ മൊബൈൽ ഫോണുകളിൽ എത്തിയിരുന്നു. ഞായറാഴ്ചതന്നെ വാങ്ങണമെന്നായിരുന്നു നിർദേശം. ജനങ്ങളെ കബളിപ്പിച്ച സിവിൽ സപ്ലൈസ് ഡയറക്ടർക്കെതിരെ നടപടിയെടുക്കണം. സ്വാശ്രയ മെഡിക്കൽ പ്രവേശന കാര്യത്തിൽ സർക്കാറും മാനേജ്മെൻറുകളും ഒത്തുകളിക്കുകയാണ്. സംസ്ഥാനത്തെ മദ്യാലയമാക്കാനുള്ള ശ്രമമാണ് നടക്കുന്നത്. സർക്കാറിെൻറ ജനേദ്രാഹ നയങ്ങൾക്കെതിരായ സമരപരിപാടികൾ 14ന് ചേരുന്ന യു.ഡി.എഫ് ഉന്നതാധികാര സമിതി തീരുമാനിക്കുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.