* ഒരേ ക്ലാസിൽ പഠിക്കുന്ന ഇരുവരും പ്രായവ്യത്യാസത്തെ തുടർന്നാണ് രണ്ടു വിഭാഗത്തിലായി മത്സരിക്കാനിറങ്ങിയത് മരങ്ങാട്ടുപിള്ളി: വാശിയേറിയ പോരാട്ടം നടന്ന പെൺകുട്ടികളുടെ 800 മീറ്ററിലെ സീനിയർ, ജൂനിയർ സുവർണനേട്ടങ്ങൾ ഒരേ ക്ലാസിലേക്ക്. സീനിയർ വിഭാഗത്തിൽ ഒന്നാമതെത്തിയ റിയമോൾ ജോയിയും ജൂനിയർ വിഭാഗത്തിൽ ഒന്നാമതെത്തിയ അഞ്ജന സുരേഷും പാലാ സെൻറ് മേരീസ് സ്കൂളിലെ പ്ലസ് വൺ വിദ്യാർഥികളാണ്. ഒരേക്ലാസിൽ പഠിക്കുന്ന ഇരുവരും പ്രായവ്യത്യാസത്തെ തുടർന്നാണ് രണ്ടു വിഭാഗത്തിലായി മത്സരിക്കാനിറങ്ങിയത്. ബുധനാഴ്ച 400 മീറ്ററിൽ സ്വർണം നേടിയ റിയമോൾ ജോയി വ്യാഴാഴ്ച 800ലും സുവർണനേട്ടം ആവർത്തിക്കുകയായിരുന്നു. കാസർകോട് നീലേശ്വരം വയറ്റാട്ടിൽ ജോയി അഗസ്റ്റിൻ-റോസമ്മ ജോയി ദമ്പതികളുടെ മകളാണ്. കഴിഞ്ഞവർഷം ഐഡിയൽ സ്കൂളിൽ പഠിച്ചിരുന്ന റിയമോൾ മലപ്പുറം ജില്ല റവന്യൂ മീറ്റിലാണ് പങ്കെടുത്തത്. ഇത്തവണ കൂടുതൽ മികവ് ലക്ഷ്യമിട്ട് പാലായിലേക്ക് എത്തുകയായിരുന്നു. വെള്ളിയാഴ്ച 1500 മീറ്ററിലും ട്രാക്കിലിറങ്ങും. ഇൗരാറ്റുപേട്ട സ്വദേശിനിയായ അഞ്ജനയും 1500 മീറ്ററിൽ മത്സരിക്കുന്നുണ്ട്. *നാലാം തവണയും ജയ്ജിത്ത് പ്രസാദ് മരങ്ങാട്ടുപിള്ളി: വിജയം വിട്ടുെകാടുക്കാതെ ജയ്ജിത്ത് പ്രസാദ്. സീനിയർ ആൺകുട്ടികളുടെ 800 മീറ്ററിലാണ് കോട്ടയം എം.ഡി സെമിനാരി സ്കൂളിലെ പ്ലസ് ടു വിദ്യാർഥിയായ ജയജിത്ത് പ്രസാദ് സ്വർണം നേടിയത്. വിവിധ വിഭാഗങ്ങളിലായി ഇതേ ഇനത്തിൽ തുടർച്ചയായ നാലാംതവണയാണ് ജയ്ജിത്തിെൻറ സ്വർണേനട്ടം. തിരുവനന്തപുരം കാര്യവട്ടം കിഴക്കേവീട്ടിൽ ജയപ്രസാദ്-സംഗീതകുമാരി ദമ്പതികളുടെ മകനാണ്. വിപിൻ ഫ്രാൻസിസിെൻറ കീഴിലാണ് പരിശീലനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.