തൊടുപുഴ: ന്യായീകരണമില്ലാത്ത കോഴി വിലവർധനക്കെതിരെ സർക്കാർ ഇടപെടണമെന്ന് ഹോട്ടൽ ആൻഡ് റസ്റ്റാറൻറ് അസോസിയേഷൻ (കെ.എച്ച്.ആർ.എ). ജൂലൈ ഒന്നു മുതൽ ജി.എസ്.ടി നടപ്പാക്കിയപ്പോൾ കോഴിക്ക് ചുമത്തിയിരുന്ന 14.5 പർച്ചേഴ്സ് ടാക്സ് റദ്ദായിരിക്കുകയാണ്. ഒരു കിലോ കോഴിക്ക് 100 രൂപ ഉണ്ടായിരുന്ന സാഹചര്യത്തിൽ 14 രൂപയായിരുന്നു നികുതി. ജി.എസ്.ടി നിലവിൽ വന്നപ്പോൾ വില കുറയേണ്ട സാഹചര്യത്തിൽ ഇപ്പോൾ കിലോക്ക് 30 രൂപയോളം വർധിക്കുകയാണ്. കൃത്രിമമായി വില വർധിപ്പിക്കുന്ന വ്യാപാരികളുടെ നടപടിയെ കേരള ഹോട്ടൽ റസ്റ്റാറൻറ് അസോസിയേഷൻ അപലപിച്ചു. വിലക്കയറ്റം തടയാൻ സർക്കാർ അടിയന്തരമായി ഇടപെടണമെന്ന് കെ.എച്ച്.ആർ.എ സംസ്ഥാന പ്രസിഡൻറ് മൊയ്തീൻകുട്ടി ഹാജിയും ജനറൽ സെക്രട്ടറി ജി. ജയപാലും ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.