പത്തനംതിട്ട: തിരുവല്ല മാക്ഫാസ്റ്റ് കോളജിൽ മാനേജ്മെൻറ് വിഭാഗം വിദ്യാർഥികളുടെ നേതൃത്വത്തിൽ ദേശീയ മാനേജ്െമൻറ് ഫെസ്റ്റ് നടത്തും. 23, 24 തീയതികളിൽ കോളജിൽ നടക്കുന്ന പരിപാടിയിൽ 50ഒാളം കോളജുകളിൽനിന്നായി 800ലേറെ വിദ്യാർഥികൾ സംബന്ധിക്കും. 16 ഇനങ്ങളിലെ മത്സരവിജയികൾക്ക് ഒന്നര ലക്ഷം രൂപ കാഷ് പ്രൈസ് നൽകുമെന്ന് സംഘാടകർ വാർത്തസമ്മേളനത്തിൽ അറിയിച്ചു. 23ന് രാവിലെ സ്പോട്ട് രജിസ്ട്രേഷൻ. ബിരുദ, ബിരുദാനന്തര വിദ്യാർഥികൾക്ക് വേണ്ടിയാണ് മത്സരങ്ങൾ. 23ന് രാവിലെ 9.30ന് ഏൺസ്റ്റ് ആൻഡ് യങ് എൽ.എൽ.പി എക്സിക്യൂട്ടിവ് ഡയറക്ടർ രാജേഷ് നായർ മത്സരങ്ങൾ ഉദ്ഘാടനം ചെയ്യും. പ്രിൻസിപ്പൽ ഫാ. പ്രദീപ് വാഴത്തറമലയിൽ അധ്യക്ഷതവഹിക്കും. വൈകീട്ട് വിദ്യാർഥികളുെട കലാപരിപാടികൾ. വകുപ്പ് മേധാവി ലിജോ കോശി, സംഘാടക സമിതി ചെയർമാൻ രാകുൽ കൃഷ്ണൻ, അനുഷ അനിൽ, ഗോൾഡി, നിതിന മോഹൻ എന്നിവർ വാർത്തസമ്മേളനത്തിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.