എടത്തല: എടത്തല-കുഴിവേലിപ്പടി പഞ്ചായത്ത് റോഡിനുസമീപം മെയിൻ റോഡിൽ അറവുമാലിന്യം വ്യാപകം. പഞ്ചായത്ത് റോഡ് ജങ്ഷനും കെ.എം.ഇ.എ സ്കൂളിനുമിടയിലുള്ള ആളൊഴിഞ്ഞ പ്രദേശത്താണ് മാലിന്യം തള്ളുന്നത്. ഇതുമൂലം റോഡിലൂടെ നടന്നുപോകുന്നതുപോലും ബുദ്ധിമുട്ടായി. പ്രദേശത്ത് രൂക്ഷഗന്ധവുമുണ്ട്. കഴിഞ്ഞദിവസം കോഴിമാലിന്യം തള്ളാനെത്തിയ കോഴിക്കടക്കാരനെ നാട്ടുകാർ പിടികൂടിയിരുന്നു. ഈ റോഡിലുണ്ടായിരുന്ന തെരുവുവിളക്ക് പ്രകാശിക്കാത്തതിൽ നാട്ടുകാർ പരാതി നൽകാനൊരുങ്ങുകയാണ്. മാലിന്യം നിക്ഷേപിക്കുന്നതിനാൽ തെരുവുനായ്ക്കളുടെ ശല്യം രൂക്ഷമാണ്. റോഡുവക്കിലെ കാടുകൾ വെട്ടിത്തെളിച്ച് മാലിന്യമുക്തമാക്കണമെന്നാണ് നാട്ടുകാരുടെ ആവശ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.