കാലടി: മലയാറ്റൂർ നീലീശ്വരം പഞ്ചായത്തിൽ മുണ്ടങ്ങാമറ്റത്തുനിന്ന് സെബിയൂർ ഭാഗത്തേക്ക് പോകുന്ന റോഡിൽ കലുങ്ക് ഇടിഞ്ഞ് വലിയ കുഴി രൂപപ്പെട്ടു. ഇവിടെ നാട്ടുകാർ ഇപ്പോൾ അപായസൂചന െവച്ചിരിക്കുകയാണ്. മുണ്ടങ്ങാമറ്റം, നടുവട്ടം, അയ്യമ്പുഴ, ചീത്തപ്പാറ, പണ്ടുപ്പാറ ഭാഗങ്ങളിലേക്കുള്ള പ്രധാന റോഡാണിത്. അഞ്ചിലധികം ബസുകളും ഇതുവഴി സർവിസ് നടത്തുന്നുണ്ട്. പാലത്തിന് ഇരുവശവും പാടമാണ്. പാലത്തിന് അടിയിലൂടെ ശക്തമായ വെള്ളം ഒഴുകി പാലത്തിൻെറ കല്ലും കമ്പിയും ദ്രവിച്ചുതുടങ്ങിയിട്ടുണ്ട്. കഴിഞ്ഞദിവസം പഞ്ചായത്തിലെ അധികൃതർ പരിശോധന നടത്തിയെങ്കിലും നടപടിയുണ്ടായിട്ടില്ല. ഇടിഞ്ഞഭാഗം കോൺക്രീറ്റ് ചെയ്ത് പാലത്തിൻെറ കേടുപാടുകൾ മാറ്റണമെന്ന് നാട്ടുകാർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.