പള്ളിക്കര: പള്ളിക്കരയിലെത്തുന്ന ആരും വിശന്നിരിക്കരുതെന്ന ലക്ഷ്യത്തോടെ മർച്ചൻറ്സ് അസോസിയേഷൻ സാധുസഹായ സമിതി യുടെ നേതൃത്വത്തിൽ 'നിറവ്' സൗജന്യ ഉച്ചഭക്ഷണ പദ്ധതിക്ക് വെള്ളിയാഴ്ച തുടക്കം. വ്യാപാരഭവനിൽ രാവിലെ 10.30ന് നടക്കുന്ന ചടങ്ങ് വി.പി. സജീന്ദ്രൻ എം.എൽ.എ ഉദ്ഘാടനം ചെയ്യുമെന്ന് മർച്ചൻറ്സ് അസോസിയേഷൻ പ്രസിഡൻറ് സിജി ബാബു പറഞ്ഞു. തുടക്കത്തിൽ പള്ളിക്കരയിലെ നാല് ഹോട്ടലിലാണ് പദ്ധതി നടപ്പാക്കുന്നത്. സംസ്ഥാനത്തുതന്നെ ആദ്യമായാണ് വ്യാപാരികളുടെ നേതൃത്വത്തിലുള്ള പദ്ധതി. നേരത്തേ ചികിത്സ സഹായം, പെൻഷൻ പദ്ധതി, സാധുസഹായ നിധി, അടുക്കള ദത്തെടുക്കൽ പദ്ധതി, പഠനസഹായ പദ്ധതി എന്നിവ നടപ്പാക്കിവരുന്നതായും നേതാക്കൾ പറഞ്ഞു. വാർത്തസമ്മേളനത്തിൽ മർച്ചൻറ്സ് അസോസിയേഷൻ നേതാക്കളായ പി.എം. ജോയി, എൻ.പി. ജോയി, ബൈജു ജോർജ് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.