കൊച്ചി: കേരള ചേംബർ ഓഫ് കോമേഴ്സ് ആൻഡ് ഇൻഡസ്ട്രിയുടെ ഉടമസ്ഥതയിലുള്ള കേരള ട്രേഡ് സൻെറർ (കെ.ടി.സി) സമുച്ചയം വിൽക്കാൻ ശ്രമിക്കുന്നുവെന്ന പ്രചാരണം തെറ്റാണെന്ന് കെ.സി.സി.ഐ ഭാരവാഹികൾ വാർത്തസമ്മേളനത്തിൽ അറിയിച്ചു. ഇതിനെതിരെ പൊലീസിൽ പരാതി നൽകിയിട്ടുണ്ട്. നിർമാണവുമായി ബന്ധപ്പെട്ട അഴിമതി കണ്ടെത്തിയതിനെ തുടർന്ന് പുറത്താക്കപ്പെട്ട മുൻ ചെയർമാനും മറ്റുമാണ് വ്യാജ പ്രചാരണങ്ങൾക്ക് പിന്നിൽ. കെട്ടിടനിർമാണവുമായി ബന്ധപ്പെട്ട പ്രശ്നം മൂന്നു മാസത്തിനുള്ളിൽ പരിഹരിക്കാനാവുമെന്നാണ് പ്രതീക്ഷയെന്നും ചെയർമാൻ ഡോ.ബിജു രമേശ് പറഞ്ഞു. മരടിലെ ഫ്ലാറ്റുകൾ പൊളിക്കാനുള്ള കോടതി വിധിയെ മറികടക്കാൻ സർക്കാർ കേസിൽ കക്ഷി ചേരണം. ഫിനാൻസ് ഡയറക്ടർ നിമി ചാക്കോള, രാജ സേതുനാഥ്, മുഹമ്മദ് റസീം എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.