പിറവം: കക്കാട് 5301ാം നമ്പർ എസ്.എൻ.ഡി.പി ശാഖ യോഗത്തിൻെറ വാർഷിക പൊതുയോഗവും എസ്.എസ്.എൽ.സി, പ്ലസ് ടു പരീക്ഷകളിൽ മികച്ച വിജയം നേടിയവർക്കുള്ള അവാർഡ് വിതരണവും കക്കാട് ശാഖ ഹാളിൽ നടന്നു. വാർഷിക പൊതുയോഗത്തിൻെറ ഉദ്ഘാടനവും പ്രാർഥന പുസ്തക പ്രകാശനത്തിൻെറ പ്രകാശനവും മൂവാറ്റുപുഴ യൂനിയൻ പ്രസിഡൻറ് വി.കെ. നാരായണൻ നിർവഹിച്ചു. യൂനിയൻ വൈസ് പ്രസിഡൻറ് പി.എൻ. പ്രഭ, സെക്രട്ടറി ഇൻ. ചാർജ് അഡ്വ. എ.കെ. അനിൽകുമാർ എന്നിവർ സംസാരിച്ചു. എസ്.എസ്.എൽ.സി, പ്ലസ് ടു അവാർഡ് വിതരണം നഗരസഭ കൗൺസിലർ കെ.ആർ. ശശി നിർവഹിച്ചു. ശാഖ കുടുംബാംഗങ്ങൾ പങ്കെടുത്ത യോഗത്തിൽ മുതിർന്ന പൗരന്മാരെ ആദരിച്ചു. ശാഖ സെക്രട്ടറി പി.പി. ശിവദാസ് റിപ്പോർട്ടും കണക്കും അവതരിപ്പിച്ചു. പ്രസിഡൻറ് ടി.എം. റെജി അധ്യക്ഷതവഹിച്ചു. യൂനിയൻ കമ്മിറ്റി അംഗം കെ.കെ. രാജപ്പൻ സ്വാഗതവും ശാഖ വൈസ് പ്രസിഡൻറ് എം.ടി. ബിജു നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.