ഹരിപ്പാട്: വീടിന് സമീപത്ത് വിറക് ഉണക്കാൻനിന്ന വയോധികയായ കർഷക തൊഴിലാളിക്ക് പുറത്ത് സൂര്യാതപമേറ്റു. പള്ളിപ്പാട് മീനത്തേരിൽ ലക്ഷംവീട് കോളനിയിൽ രാഘവെൻറ ഭാര്യ ജാനകിക്കാണ് (61) സൂര്യാതപമേറ്റത്. രണ്ടുദിവസം മുമ്പാണ് പൊള്ളലേറ്റത് പോലെ തോന്നിയത്. എന്നാൽ, ഇത് സൂര്യാതപമാണെന്ന് തിരിച്ചറിഞ്ഞില്ല. ഓയിൽമെൻറ് പുരട്ടുകമാത്രമാണ് ചെയ്തത്. ചൊവ്വാഴ്ച രാത്രിയോടെ തൊലിപ്പുറത്തെ ചുവപ്പ് പൊള്ളിക്കൂടുന്ന നിലയിലായി. വീട്ടുകാരും നാട്ടുകാരും കൂടി ബുധനാഴ്ച രാവിലെ പള്ളിപ്പാട് പി.എച്ച് സെൻററിൽ കൊണ്ടുപോയി ഡോക്ടറെ കാണിച്ചു. പരിശോധനയിലാണ് സൂര്യാതപമാണെന്ന് തിരിച്ചറിഞ്ഞത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.