മൂവാറ്റുപുഴ: വാളകം ജങ്ഷനിൽ തണൽമരം വെട്ടിമുറിക്കാൻ ശ്രമം. ചുവട് മുക്കാൽ ഭാഗവും വെട്ടിയ നിലയിലുള്ള മരം മറിഞ്ഞ് വീഴുമെന്ന അവസ്ഥയിലാണ്. കഴിഞ്ഞദിവസം അർധരാത്രിയിലാണ് ഒരുപറ്റം സാമൂഹികവിരുദ്ധർ ഓട്ടോ സ്റ്റാൻഡിലെ തണൽമരം മുറിച്ച് നശിപ്പിക്കാൻ ശ്രമിച്ചത്. മരം വെട്ടുന്നതിനിടെ യാത്രക്കാർ വന്നതോടെ സംഘം ശ്രമം ഉപേക്ഷിച്ച് ഓടി മറയുകയായിരുന്നു. കനത്ത ചൂടിൽ ഓട്ടോ തൊഴിലാളികൾക്കും നാട്ടുകാർക്കും ഗുണകരമായിരുന്ന തണൽ മരമാണ് വെട്ടിനശിപ്പിക്കാൻ ശ്രമിച്ചത്. സംഭവത്തിൽ നടപടി സ്വീകരിക്കണമെന്ന് ഐ.എൻ.ടി.യു.സി വാളകം മണ്ഡലം കമ്മിറ്റി ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.