ബി.എസ്.പി അവഗണിക്കാനാവാത്ത ശക്തി -ജെ. സുധാകരൻ പിറവം: ദേശീയ രാഷ്ട്രീയത്തിൽ അവഗണിക്കാനാവാത്ത ശക്തിയാണ് ബി.എസ്.പിയെന്ന് സംസ്ഥാന പ്രസിഡൻറ് ജെ. സുധാകരൻ പറഞ്ഞു. ബഹുജൻ സമാജ് പാർട്ടി പിറവം നിയോജക മണ്ഡലം പ്രവർത്തക സമ്മേളനത്തിൽ െമംബർഷിപ് വിതരണോദ്ഘാടനം നിർവഹിക്കുകയായിരുന്നു അദ്ദേഹം. ദലിത്, പിന്നാക്ക, മതന്യൂനപക്ഷ വിഭാഗങ്ങൾ രാഷ്ട്രീയമായി സംഘടിക്കേണ്ടത് ചരിത്രപരമായ അനിവാര്യതയാണെന്നും അദ്ദേഹം പറഞ്ഞു. സ്വാഗതസംഘം കൺവീനർ ടി.എം. രാജൻ അധ്യക്ഷത വഹിച്ചു. സംസ്ഥാന സെക്രട്ടറിമാരായ പി.എം. നിയമത്തുല്ല, ഷിബു പാറക്കടവിൽ, റവ. പി.സി. ജോസഫ് പാമ്പാടി എന്നിവർ സംസാരിച്ചു. നിയോജകമണ്ഡലം കമ്മിറ്റി ഭാരവാഹികൾ: ടി.എം. രാജൻ (പ്രസി) വി.എ. അംബുജാക്ഷൻ (ജന.സെക്ര), കെ.കെ. കുഞ്ഞപ്പൻ (ട്രഷ), ടി.സി. സുരേഷ് മണീട്, പി.കെ. ഗോപാലൻ രാമമംഗലം, എൻ.സി. ജോണിക്കുട്ടി എടക്കാട്ടുവയൽ, സി.കെ. ഗോപാലൻ ഇലഞ്ഞി, കെ.വി. ബാബു പാലച്ചുവട്, ടി.എം. ജേക്കബ് മുളക്കുളം, ഷിബുപീറ്റർ പാഴൂർ, എം.കെ. ഗോപിനാഥൻ ചോറ്റാനിക്കര, അഖിൽ ചാക്കോ പിറവം, എം.സി. ശശി എടക്കാട്ടുവയൽ, വിലാസിനി തങ്കപ്പൻ ഉൗരമന, എൻ.ജി. രാജേഷ് കൂത്താട്ടുകുളം, ജോൺസൺ ഉതുപ്പ് തിരുവാങ്കുളം (നിർവാഹക സമിതി).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.