പറവൂർ: വരാപ്പുഴ കസ്റ്റഡി മരണക്കേസിൽ മുൻ റൂറൽ എസ്.പി എ.വി. ജോർജിനെ പ്രതിചേർക്കണമെന്ന് ആവശ്യപ്പെട്ട് നൽകിയ ഹരജിയിൽ കേസ് ഡയറി ഹാജരാക്കാൻ പ്രോസിക്യൂഷന് ചൊവ്വാഴ്ചവരെ സമയം അനുവദിച്ച് പറവൂർ ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതി (മൂന്ന്) ഉത്തരവിട്ടു. മന്നം താന്നിപ്പാടം വെളിംപറമ്പിൽ വി.എം. ഫൈസൽ നൽകിയ ഹരജിയിലാണ് ഉത്തരവ്. വെള്ളിയാഴ്ച കേസ് കോടതി പരിഗണിച്ചെങ്കിലും കേസ് ഡയറി പ്രോസിക്യൂഷന് ഹാജരാക്കാൻ കഴിഞ്ഞില്ല. കേസ് ഡയറി ഹൈകോടതിയിലായതിനാൽ സാവകാശം വേണമെന്ന് സർക്കാർ അറിയിച്ചു. ഇതിെൻറ അടിസ്ഥാനത്തിലാണ് കോടതി സമയം നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.